• მოწამვლა: თუ ბავშვმა რამე შხამიანი სითხე დალია, პირი კარგად გამოურეცხეთ და ერთი-ორი ჭიქა წყალი ან რძე დაალევინეთ. შემდეგ რჩევისთვის ექიმს ან ტოქსიკოლოგიურ საინფორმაციო ცენტრს დაუკავშირდით. თუ მას თვალში რამე მწველი ნივთიერება მოხვდა, ნუ დააყოვნებთ და სულ მცირე ათი წუთი მაინც ჰბანეთ ბევრი წყლით.

• წამლები: შეინახეთ ისინი საკეტიან კარადაში, რომ ბავშვებმა ვერ აიღონ. ეს ეხება როგორც ურეცეპტო, ისე ბალახებით დამზადებულ წამლებსა და ვიტამინებს. ღამის გასათევად დარჩენილ სტუმრებსაც სთხოვეთ, უსაფრთხო ადგილას შეინახონ თავიანთი წამლები.

• საყოფაცხოვრებო ქიმიკატები: შეინახეთ ისინი ბავშვებისთვის მიუწვდომელ საკეტიან კარადაში. არ გადაასხათ ან არ გადაიღოთ სხვა რამეში, რომ ადვილად გასარჩევი იყოს, რა არის. როცა იყენებთ, თვალი არ მოაცილოთ და აუცილებლად ყოველთვის შეინახეთ, თუნდაც ოთახიდან ერთი წუთით გადიოდეთ. არასდროს ჩატოვოთ ჭურჭლის სარეცხ მანქანაში სარეცხი საშუალების ნალექი.