ტახტის ირგვლივ ცისარტყელა იყო, რომელიც ზურმუხტს ჰგავდა“ (გამოცხადება 4:3).

7. რას ნიშნავს ის, რომ იეჰოვას ტახტს გარს ცისარტყელა აკრავს?

⁷ ყურადღება მიაქციეთ, რომ იოანე ტახტის ირგვლივ ზურმუხტისფერ ცისარტყელას ხედავს. ცისარტყელად ნათარგმნი ბერძნული სიტყვა ირის სრულ სიმრგვალეზე მიუთითებს. ბიბლიაში ცისარტყელა პირველად ნოეს დროის აღწერისას მოიხსენიება. წარღვნის შემდეგ წყლის დონემ რომ დაიწია, იეჰოვამ ცაზე ღრუბელში ცისარტყელა გამოაჩინა და ახსნა მისი მნიშვნელობაც: „ვაფუძნებ ჩემს ცისარტყელას ღრუბლებში და ის იქნება ჩემსა და დედამიწას შორის დადებული შეთანხმების ნიშანი. მაშინ გავიხსენებ მე და თქვენ შორის და ყველა ცოცხალ, ხორციელ სულს შორის დადებულ შეთანხმებას; წარღვნით აღარ განადგურდება ყოველი ხორციელი“ (დაბადება 9:13, 15). რას გაახსენებდა იოანეს ეს ზეციური ხილვა? ნანახი ცისარტყელა, როგორც ჩანს, იეჰოვასთან ისეთი მშვიდობიანი ურთიერთობის აუცილებლობას შეახსენებდა, როგორიც დღეს იოანეს კლასს აქვს. იოანეზე დიდ შთაბეჭდილებას მოახდენდა იეჰოვასგან მომდინარე მშვიდობა. ამ მშვიდობას შეიგრძნობს ყველა მორჩილი ადამიანი, როდესაც იეჰოვა თავის კარავს გაუშლის დედამიწის ახალ საზოგადოებას (ფსალმუნი 119:165; ფილიპელები 4:7; გამოცხადება 21:1—4).