ვინ იკრიბება არმაგედონზე და რატომ? ორიოდე მუხლით წინ, გამოცხადების 16:14-ში, ვკითხულობთ: „მთელი მსოფლიოს მეფეები“ იკრიბებიან, „საომრად . . . ყოვლისშემძლე ღვთის დიდ დღეს“.

შეუძლებელია არმაგედონი მხოლოდ დედამიწაზე არსებულ ერებს შორის ომი იყოს, რადგან გამოცხადების 16:14-ში ნათქვამია, რომ „მთელი მსოფლიოს მეფეები“ გაერთიანდებოდნენ საომრად „ყოვლისშემძლე ღვთის დიდ დღეს“. იეჰოვას შთაგონებით წარმოთქმულ წინასწარმეტყველებაში იერემიამ აღნიშნა, რომ იმ დროს იეჰოვას მიერ „დახოცილნი ქვეყნის კიდიდან ქვეყნის კიდემდე“ ეყრებოდნენ (იერემია 25:33). ამგვარად, არმაგედონი არ მოიაზრებს ახლო აღმოსავლეთის რომელიმე ადგილას ადამიანებს შორის გაჩაღებულ ომს. ეს არის იეჰოვას ომი, რომელიც გლობალური მასშტაბით წარიმართება.