ზოგჯერ უმჯობესი იქნება, ჯერ მთავარი აზრი მოიხსენიო, ხოლო შემდეგ მისი დამამტკიცებელი არგუმენტები მოიყვანო. ამგვარად წონას შემატებ სიტყვებს, რომლებსაც შემდეგ წარმოთქვამ და თან მთავარ აზრსაც გაუსვამ ხაზს. ხაზგასმის მიზნით ასევე შეგიძლია მოკლედ გაიმეორო მთავარი აზრი იმის შემდეგ, რაც მას საფუძვლიანად განიხილავ.

მსმენელს თითოეული აზრის განხილვისას დაანახვე, რა კავშირი აქვს შენს ნათქვამს მთავარ აზრთან. არ იფიქრო, რომ მსმენელი ამას თავისით უნდა მიხვდეს. ამ კავშირის საჩვენებლად შეგიძლია ან დროდადრო გაიმეორო რამდენიმე ძირითადი სიტყვა, რომლებითაც მთავარი აზრი გამოხატე, ან მსმენელს მთავარი აზრის არსი შეახსენო.