13. რას ელოდებიან ანგელოზები, რომელთაც განადგურების „ქარები“ უჭირავთ?

¹³ წაიკითხეთ გამოცხადების 7:1—4. მაშინ, როცა 1 თესალონიკელების 5:3-ში ჩაწერილი სიტყვების შესრულებას ველით, ძლევამოსილ ანგელოზებს უჭირავთ დიდი გასაჭირის განადგურების ქარები. საინტერესოა, რას ელოდებიან ისინი? ერთ-ერთი მნიშვნელოვანი მოვლენა, რომლის შესრულებასაც ანგელოზები ელიან, არის იოანეს მიერ აღწერილი ცხებულებისთვის ანუ „ჩვენი ღვთის მონებისთვის“ საბოლოო ბეჭდის დასმა.a როგორც კი დასრულდება საბოლოო ბეჭდის დასმა, ანგელოზები ხელს გაუშვებენ განადგურების ქარებს.