ისინი ფიქრობდნენ, რომ ხალხის „ცხვრებად“ და „თხებად“ გადარჩევა ქრისტეს ათასწლიანი მეფობის დროს მოხდებოდა.

მაგრამ როდის მოხდებოდა „ცხვრებისა“ და „თხების“ გადარჩევა? სტატიაში ნათქვამი იყო, რომ ვინაიდან ქრისტეს ძმები მისი ათასწლიანი მეფობის დროს ზეცაში იმმართველებდნენ, დედამიწაზე მცხოვრებნი მათ ვერც ვერაფერში დაეხმარებოდნენ და ვერც ხელს შეუშლიდნენ. გამომდინარე აქედან, „ცხვრებისა“ და „თხების“ გადარჩევა ქრისტეს ათასწლიანი მმართველობის დაწყებამდე უნდა მომხდარიყო.

6. როგორ მოეფინა კიდევ უფრო მეტი ნათელი 1990-იანი წლების შუახანებში ცხვრებისა და თხების იგავის მნიშვნელობას?

⁶ ამგვარი ახსნის საფუძველზე ღვთის მსახურები ფიქრობდნენ, რომ ხალხის „ცხვრებად“ და „თხებად“ გადარჩევა მთელი ბოლო დღეების განმავლობაში ხდებოდა იმის მიხედვით, თუ ვინ როგორ ეხმაურებოდა სასიხარულო ცნობას. თუმცა 1990-იანი წლების შუახანებში ამ საკითხს მეტი ნათელი მოეფინა. 1995 წლის 15 ოქტომბრის „საგუშაგო კოშკში“ დაიბეჭდა ორი სტატია, რომელშიც ყურადღება გამახვილდა, თუ რა მსგავსება იყო მათეს 24:29—31-სა (წაიკითხეთ) და მათეს 25:31, 32-ში (წაიკითხეთ) ჩაწერილ სიტყვებს შორის.a პირველ სტატიაში ეწერა: «„ცხვრებისა“ და „თხების“ შესახებ განაჩენის შესრულება მოხდება მომავალში». მაგრამ საინტერესოა როდის? ამავე სტატიაში ვკითხულობთ: «მას ადგილი ექნება მათეს 24:29, 30-ში მოხსენიებული „დიდი გასაჭირის“ დაწყების შემდეგ, როცა კაცის ძე „მოვა თავისი დიდებით“ . . . მაშინ, მთელი ბოროტი სისტემის აღსასრულთან ერთად, იესო წარუძღვება სასამართლო პროცესს და შეასრულებს გამოტანილ განაჩენს».

საინტერესოა, როდის უნდა მოხდეს გასამართლება? ეს მოხდება დიდი გასაჭირის მიწურულს.