დანიელმა მექსიკური ჟესტების ენა DVD დისკების მეშვეობით ისწავლა
დანიელი ყრუ იყო, რის გამოც ადამიანებთან საუბარი უჭირდა. მას ხშირად ეუფლებოდა იმედგაცრუება და ოჯახის წევრებისადმი აგრესიას ავლენდა. იგი 23 წლის იყო, როდესაც მასთან ერთმა იეჰოვას მოწმემ, სახელად ხოსემ, ბიბლიის შესწავლა დაიწყო. არც ხოსეს ესმოდა ყურში, ამიტომ თავიდან ის დანიელს მიმიკებით, ჟესტებითა და ნახატების მეშვეობით ესაუბრებოდა. მოგვიანებით DVD დისკების დახმარებით დანიელმა მექსიკური ჟესტების ენაც შეისწავლა.
როგორც კი დანიელმა ნასწავლი გაითავისა, გადაწყვიტა, ბიბლიის ენით თუ ვიტყვით, „ახალი პიროვნებით“ შემოსილიყო. მან გამოიმუშავა ისეთი თვისებები, როგორიცაა: თანაგრძნობა, სიკეთე, თავმდაბლობა, რბილი ხასიათი და სულგრძელობა (კოლოსელები 3:10, 12). დანიელმა გულთან ახლოს მიიტანა ბიბლიური მოწოდება, მშობლებს პატივისცემით მოპყრობოდა (ეფესოელები 6:1, 2). ოჯახი გაოცებული იყო მისი გარდაქმნით. დედამისი ცრემლებს ვერ იკავებდა და ხოსეს მადლობას უხდიდა იმისთვის, რომ ბიბლიის შესწავლამ მისი ვაჟი ასე შეცვალა. 2007 წელს დანიელი მოინათლა და იეჰოვას მოწმეთა რიგებს შეუერთდა.