3. როდის სრულდება ესაიას 61-ე თავში ჩაწერილი წინასწარმეტყველური სიტყვები?

³ ეს აღდგენა ნაწინასწარმეტყველებია ესაიას წიგნის 61-ე თავში. მაგრამ, მიუხედავად იმისა, რომ ეს წინასწარმეტყველება აშკარად შესრულდა ძვ. წ. 537 წელს, მას უფრო დიდი შესრულება აქვს მოგვიანებით. ეს უფრო დიდი შესრულება ეხება იესოსა და მის მიმდევრებს პირველ საუკუნეში, აგრეთვე იეჰოვას ხალხს ჩვენს დროში. მაშ, რამდენად მნიშვნელოვანია ღვთის მიერ ეს შთაგონებული სიტყვები!

„კეთილგანწყობილების წელიწადი“

4. ვის დაევალა კეთილი ცნობის ხარება ესაიას 61:1-ის პირველი და შემდეგ მეორე შესრულებისას?

⁴ ესაია წერს: «სული უფლისა, ღვთისა, ჩემზეა გადმოსული, რადგან მცხო მე უფალმა გლახაკთათვის [„თვინიერთათვის“, აქ] სახარებლად; მომავლინა გულშემუსვრილთა განსაკურნებლად, ტყვეთათვის თავისუფლების გამოსაცხადებლად და შებორკილთა ასახსნელად [„პატიმართათვის თვალების ასახელად“, აქ]» (ესაია 61:1). ვის დაევალა ამ კეთილი ცნობის ხარება?

5. ვინ ქადაგებს კეთილ ცნობას დაახლოებით 2000 წლის განმავლობაში?

⁵ გარდა ამისა, იესო ასწავლიდა თავის მიმდევრებს, რომ კეთილი ცნობის მქადაგებლები ყოფილიყვნენ. ახ. წ. 33 წლის ორმოცდამეათე დღის დღესასწაულზე მათგან დაახლოებით 120 მოწაფე სულიწმიდით იქნა ცხებული და ღვთის სულიერი ძე გახდა (საქმეები 2:1—4, 14—42; რომაელთა 8:14—16). მათაც დაევალათ კეთილი ცნობის ქადაგება თვინიერთა და გულშემუსვრილთათვის. ის 120 პიროვნება პირველები იყვნენ 144000⁠-დან, რომლებიც ამგვარად უნდა ყოფილიყვნენ ცხებული. ამ ჯგუფის დარჩენილი ნაწილი დღეს კვლავაც აქტიურობს დედამიწაზე. ასე რომ, დაახლოებით 2000 წლის განმავლობაში იესოს ცხებული მიმდევრები ქადაგებენ „ღვთის წინაშე მონანიებას და ჩვენი უფლის იესო ქრისტეს რწმენას“ (საქმეები 20:21).