„ააშენებენ სახლებს და იცხოვრებენ, ჩაყრიან ვაზებს და მათ ნაყოფს შეჭამენ. არ ააშენებენ სხვის საცხოვრებელად, არ დარგავენ სხვის შესაჭმელად, რადგან ჩემი ხალხის ასაკი ხის ასაკივით იქნება და თავადვე გაცვეთენ საკუთარი ხელის ქმნილებას ჩემი რჩეულები“ (ესაია 65:21, 22).

30. რით ხარობენ დღეს იეჰოვას მსახურები და რით გაიხარებენ ახალ ქვეყნიერებაში?

³⁰ ეს წინასწარმეტყველება ჩვენს დროშიც შესრულდა. იეჰოვას ხალხი 1919 წელს სულიერი ტყვეობიდან გათავისუფლდა და თავისი „მიწის“ ანუ მოღვაწეობისა და თაყვანისმცემლობის სფეროს აღორძინებას შეუდგა. მათ ჩამოაყალიბეს კრებები და სულიერი ნაყოფის აღება დაიწყეს. ამის შედეგად, იეჰოვას ხალხი დღესვე ტკბება სულიერი სამოთხითა და ღვთისგან მომდინარე მშვიდობით.