ქნარები და სიმებიანი საკრავები

ქინორი, რომელიც ჩვეულებრივ ითარგმნება როგორც „ქნარი“ ან „მუსიკალური საკრავი“, ძველ ისრაელში ყველაზე ფართოდ გამოიყენებოდა. ამ მუსიკალურ ინსტრუმენტზე მეფე დავითი საულის დასამშვიდებლად უკრავდა (1 სამუელი 16:16, 23). ძველი ქვის კედლებზე, მონეტებზე, მოზაიკებზე, ფირფიტებსა და ბეჭდებზე აღბეჭდილი გამოსახულებების საფუძველზე მეცნიერები ვარაუდობენ, რომ ისრაელში, სულ ცოტა, 30 სახეობის სიმებიანი საკრავი არსებობდა. მათი ფორმა საუკუნეების მანძილზე იცვლებოდა. დამკვრელი სიმებიან საკრავს მკლავებში მოიქცევდა და თითების ან მედიატორის გამოკვრით უკრავდა.

ნებელი ქინორის მსგავსი იყო. ზუსტად უცნობია, რამდენი სიმი ჰქონდა ნებელს, რა სიდიდის იყო და იკვრებოდა თუ არა თითების გამოკვრით. მაგრამ მეცნიერების უმეტესობის აზრით, ნებელიც და ქინორიც მუსიკოსებს დაჰქონდათ.

[სურათი 16 გვერდზე]

ახ. წ. II საუკუნის მონეტა ქნარის გამოსახულებით