‘ერთგულად მიჰყევით იესოს ნაკვალევს’

20, 21. რას მოელის იეჰოვა ჩვენგან, და რისი გაკეთება გვმართებს?

²⁰ იესომ იცოდა, რომ მის ნაკვალევზე სიარული ადვილი არ იქნებოდა. მის მიმდევრებს მოთმინება უნდა გამოევლინათ (იოანე 15:20). იესოს მაგალითი დაეხმარებოდა მოწაფეებს, მის ნაკვალევზე ევლოთ (იოანე 16:33). მართალია იესომ სრულყოფილი მოთმინების მაგალითი დაგვიტოვა, მაგრამ ჩვენ შორს ვართ სრულყოფილებისგან. მაშ, რას მოელის იეჰოვა ჩვენგან? პეტრე წერდა: „ქრისტეც ხომ თქვენთვის ეტანჯა და მაგალითიც დაგიტოვათ, რომ ერთგულად მიჰყვეთ მის ნაკვალევს“ (1 პეტრე 2:21). განსაცდელებთან გამკლავებით იესომ მაგალითი დაგვიტოვაa. იესოს მოთმინების შემთხვევები „ნაკვალევს“, ანუ ნაფეხურებს მოგვაგონებს. მართალია არ შეგვიძლია ამ ნაკვალევს სრულყოფილად მივყვეთ, მაგრამ ის კი შეგვიძლია, რომ „ერთგულად“ მივყვეთ.