დაღლილობისა თუ მოუხერხებლად დგომის მიუხედავად, დელეგატები დიდი ყურადღებით ისმენდნენ ცნობებს სხვადასხვა ქვეყნიდან და ლოიდ ბერისა და დენიელ სიდლიკის მოხსენებებს, რომელიც აგრეთვე ხელმძღვანელი საბჭოს წევრია.

ძმა სიდლიკის მოხსენების სათაური იყო „ნეტარ არს ხალხი, რომელთათვისაც იეჰოვაა ღმერთი!“ ორივე მოხსენება განსაკუთრებით დროული იყო, თუ მხედველობაში მივიღებთ წინააღმდეგობას, რომელსაც იეჰოვას მოწმეები ახლა ხვდებიან საფრანგეთში. ძმა სიდლიკმა აჩვენა, რომ ჭეშმარიტი ბედნიერება გარე ფაქტორებზე კი არ არის დამოკიდებული, არამედ იეჰოვასთან ურთიერთობაზე და ცხოვრების მიმართ ჩვენს დამოკიდებულებაზე. ის შეეკითხა აუდიტორიას: „ხართ ბედნიერები?“. პასუხად მქუხარე ტაში იყო.