განვიხილოთ მოხსენების მომზადების მაგალითი. გადმოსაცემი მასალა ზოგჯერ საკმაოდ ზოგადია. როგორ შეგიძლია ის შენი კრების მოთხოვნილებებს მოარგო? მასალის გამდიდრებას ინფორმაციის მოძებნით შეძლებ. თუ სტატისტიკურ მონაცემებს ან მასალის შესაფერის, მსმენელთათვის საინტერესო მაგალითს მოიყვან, საინტერესო და პრაქტიკულიც კი გახდება ის, რაც ერთი შეხედვით ისედაც ცხადია. პუბლიკაციები, რომლებსაც იყენებ, შეიძლება ფართო მკითხველისთვის არის განკუთვნილი. შენ კი მასალა დაწვრილებით უნდა განიხილო, თვალსაჩინოდ ახსნა და განმარტო, როგორ შეუძლია მისი გამოყენება კონკრეტულ კრებას ან პიროვნებას.

აღსაძვრელად საჭიროა, მსმენელის გულამდე მიიტანო მასალა; ეს იმას ნიშნავს, რომ მოსმენილის თანახმად მოქმედებისკენ წაახალისო. ამაში შეიძლება დაგეხმაროს მათი მაგალითების მოყვანა, ვინც სირთულეების მიუხედავად სათანადოდ მოიქცა.