მდინარის ნაპირებზე ხარობს მრავალი ხე, რომლებსაც მთელი წლის განმავლობაში მოაქვს ნაყოფი, საკვებით უზრუნველყოფს ხალხს და კურნავს (ეზეკიელი 47:1–12).

აღდგენილი ხალხი კურთხეული იქნებოდა შესანიშნავი სულიერი მამაკაცებით, რომლებიც ისეთივე მართლები და მტკიცეები იქნებოდნენ, როგორც ხილვაში მდინარის ნაპირებზე ჩამწკრივებული ხეები, — მამაკაცებით, რომლებიც გაპარტახებული ქვეყნის აღორძინებას შეუდგებოდნენ. ესაიამაც დაწერა ‘სიმართლის მუხების’ შესახებ, რომლებიც ‘ააშენებდნენ ძველთაძველ ნაოხარებს’ (ესაია 61:3, 4).

დროთა განმავლობაში ისეთი ‘სიმართლის მუხების’ ხელმძღვანელობით, როგორებიც იყვნენ: მწიგნობარი ეზრა, წინასწარმეტყველები ანგია და ზაქარია, ასევე მღვდელმთავარი იესო იეჰოცადაკის ძე, ხანგრძლივი პერიოდის განმავლობაში აოხრებული ადგილები აღორძინდა.