ტახტის წინ თითქოს ბროლის მსგავსი მინის ზღვა იყო“ (გამოცხადება 4:5ბ, 6ა).

17. რას ნიშნავს „ბროლის მსგავსი მინის ზღვა“?

¹⁷ იოანე „ბროლის მსგავს მინის ზღვასაც“ ხედავს. რას ნიშნავს ეს იეჰოვას ზეციერ ეზოში მიწვეულთათვის? პავლეს სიტყვების თანახმად იესომ განწმინდა კრება, ‘გაასუფთავა სიტყვის საშუალებით წყალში განბანით’ (ეფესოელები 5:26). სიკვდილამდე ცოტა ხნით ადრე იესომ თავის მოწაფეებს უთხრა: „თქვენ უკვე სუფთები ხართ იმ სიტყვის წყალობით, რომელიც გითხარით“ (იოანე 15:3). ასე რომ, „ბროლის მსგავსი მინის ზღვა“ უნდა ნიშნავდეს ღვთის სიტყვაში მოხსენიებულ განწმენდას. სამეფო სამღვდელოების წევრები, რომლებიც იეჰოვას წინაშე დგებიან, საგულდაგულოდ უნდა იყვნენ განწმენდილნი ღვთის სიტყვით.