რწმენის განმამტკიცებელი ხილვა

9:1—7

წარმოიდგინე, რას იგრძნობდა იესო, როცა მისი გარდასახვის დროს ზეციერმა მამამ იქ მყოფთა გასაგონად თქვა, რომ იწონებდა მას. უდავოა, ეს ძალას მისცემდა იესოს იმ განსაცდელების ასატანად, რომლებიც წინ ელოდა. ამ ხილვამ დიდი შთაბეჭდილება მოახდინა პეტრეზე, იაკობსა და იოანეზე. ისინი დარწმუნდნენ, რომ იესო ნამდვილად მესია იყო და სწორად იქცეოდნენ, მას რომ უსმენდნენ. პეტრეს 32 წლის შემდეგაც არ დავიწყებია ეს შემთხვევა და არც ის, თუ როგორ გახდა მაშინ მისთვის უფრო სარწმუნო „წინასწარმეტყველური სიტყვა“ (2 პეტ. 1:16—19).

მართალია, არც ერთი ჩვენგანი არ გამხდარა ამ შთამბეჭდავი ხილვის თვითმხილველი, მაგრამ ის, რაც ამ ხილვაში მოციქულებმა ნახეს, ჩვენ თვალწინ სრულდება. დღეს იესო ძლევამოსილი მეფეა, რომელიც მალე საბოლოოდ გაიმარჯვებს თავის მტრებზე და გზას გაგვიხსნის სამართლიანი ახალი ქვეყნიერებისკენ (გამოცხ. 6:2).

როგორ გიმტკიცებს რწმენას იმის დანახვა, თუ როგორ სრულდება ბიბლიური წინასწარმეტყველებები?