გარგარის ხე მანამდე იწყებს ყვავილობას, სანამ ფოთლები გამოაჩნდება. აქვს თეთრი, სურნელოვანი თვითდამტვერვადი ყვავილები, რომლებიც წააგავს ატმის, ქლიავისა და ალუბლის ყვავილებს. ყველაზე კარგად ხარობს იქ, სადაც თბილი ზაფხული და ცივი ზამთარია. ასეთი კლიმატია საჭირო, გარგარის ხემ რომ კარგი ყვავილი და ნაყოფი გამოისხას. სომხეთის კლიმატი ნამდვილად რომ ზედგამოჭრილია ამ სომხური „ოქროსთვის“.

ის თუ იცოდით, რომ გარგარის ხისგან ლამაზ ინსტრუმენტებსაც ამზადებდნენ? მათი ერთ-ერთი „წარმომადგენელია“ ცნობილი ჩასაბერი ინსტრუმენტი სომხური დუდუკი, რომელსაც ხანდახან „გარგარის სალამურსაც“ ეძახიან. მთელი ერევანი სავსეა გარგარის ხისგან დამზადებული საყვარელი ხელნაკეთი სუვენირების მაღაზიებით.