ქრისტიანული შეხვედრების ჩასატარებლად განკუთვნილი პირველი შენობები ალიზით ნაშენი და ჩალით გადახურული იყო. ასეთ შენობებში იკრიბებოდნენ სოფელ ნამაინგოსა და რუსესეში მცხოვრები ძმები. მოგვიანებით ორივე სოფელში ძლიერი კრებები ჩამოყალიბდა, რაც აშკარად აჩვენებდა იმას, რომ იეჰოვამ აკურთხა იქაური ძმების მონდომება და ძალისხმევა.

დღეს უგანდის თითქმის ყველა კრებას აქვს თავისი სამეფო დარბაზი და ისინი ხედავენ, რა დიდი კურთხევაა, რომ სამეფო დარბაზი საკუთარ დასახლებაში აქვთ. თაყვანისცემისთვის შესაფერის ასეთ ადგილებზე მისვლა დაინტერესებულებისთვის უფრო სახალისო გახდა, ვიდრე საკლასო ოთახებში. ამის წყალობით კრების შეხვედრებზე დამსწრეთა რიცხვმა საგრძნობლად იმატა და, შესაბამისად, მაუწყებელთა რაოდენობაც სწრაფად გაიზარდა.

მოგვიანებით ფილიალმა სხვა რაიონებიც ჩამოაყალიბა, რათა უკეთესად ეზრუნა ახალ-ახალი კრებების, ჯგუფებისა და სხვადასხვა ენაზე მოლაპარაკე ხალხის მოთხოვნილებებზე. დღეს უგანდის რვა რაიონში, რომელთაგანაც სამი ლუგანდაენოვანია, 111 კრება და 50 ჯგუფია.