7, 8. ა) რომელია ის ორი ‘კეთილგანწყობილების წელიწადი’? ბ) როდის დადგა იეჰოვას „შურისძიების დღე“ და როდის მოვა ასეთი დღე მეორედ?

⁷ კეთილი ცნობის ქადაგებისთვის გარკვეული განრიგი არსებობს. იესოს და მის მიმდევრებს დაევალათ: „გამოსაცხადებლად უფლის წყალობის წელიწადისა და ჩვენი ღვთის შურისგების დღისა, სანუგეშებლად ყოველი მგლოვიარისა [‘აუწყეთ იეჰოვას კეთილგანწყობილების წელიწადი და ჩვენი ღვთის შურისძიების დღე; რათა ინუგეშოს ყველა მგლოვიარემ’, აქ]“ (ესაია 61:2).

კეთილგანწყობილების ის წელიწადი გაგრძელდა იეჰოვას ‘შურისძიების დღემდე’, რომელმაც თავის აპოგეას ახ. წ. 70 წელს მიაღწია, როცა იეჰოვამ იერუსალიმისა და მისი ტაძარის განადგურების ნება დართო რომაელთა ჯარებს (მათე 24:3—22). დღეს ჩვენ ვცხოვრობთ კეთილგანწყობილების სხვა წელიწადში, რომელიც დაიწყო 1914 წელს ზეცაში ღვთის სამეფოს დამყარებით. კეთილგანწყობილების ეს წელიწადი დასრულდება სხვა, უფრო გლობალური შურისძიების დღით, როცა „დიდი გასაჭირის“ დროს იეჰოვა მთლიანად მოსპობს ამ წუთისოფლის სისტემას (მათე 24:21).

მაგრამ მათ, ვინც უარყოფს ამ ცნობას და არ სარგებლობს იეჰოვას კეთილგანწყობილების წელიწადით, მალე მოუწევთ შურისძიების დღის პირისპირ დადგომა (2 თესალონიკელთა 1:6—9).