„ჩვენ, კათოლიკებმა, ბევრი რამ უნდა ვისწავლოთ მათგან“

ასეთი აზრი გამოთქვა იეჰოვას მოწმეებზე ერთმა ბარელმა (იტალია) მასწავლებელმა რელიგიის ისტორიის გაკვეთილზე. როდესაც მასწავლებელმა მოსწავლეებს უთხრა, რომ სწავლების პროცესში ვიდეოკასეტებს გამოიყენებდა, 18 წლის რობერტომ შესთავაზა, განხილვაში მისი რელიგიაც ჩაერთოთ და შეჰპირდა, რომ მოიტანდა ვიდეოკასეტას: „იეჰოვას მოწმეები — ორგანიზაცია ამ სახელწოდებით“. მასწავლებელი დათანხმდა და მთელმა კლასმა, დაახლოებით 30-მა მოსწავლემ, ნახა ვიდეოფილმი. «ყველა დამსწრეზე დიდი შთაბეჭდილება მოახდინა იეჰოვას მოწმეების ერთიანობამ, ორგანიზებულობამ და ერთმანეთისადმი სიყვარულმა, — ყვება რობერტო. — მათ გაოცებას საზღვარი არ ჰქონდა, როდესაც გაიგეს, რომ ყოველთვიურად „საგუშაგო კოშკის“ 40 მილიონი, ხოლო „გამოიღვიძეთ!“-ის 36 მილიონი ეგზემპლარი იბეჭდება».

„არ მეგონა, რომ ასე ორგანიზებულები იყავით“, — უთხრა რამდენიმე თანაკლასელმა რობერტოს ვიდეოფილმის ნახვის შემდეგ. იეჰოვას მოწმეებზე მასწავლებელმა მოსწავლეებს უთხრა: „ნახეთ როგორ აღძრავს მათ თავიანთი რწმენა ერთიანობისა და ორგანიზებულობისკენ. ჩვენ, კათოლიკებმა, ბევრი რამ უნდა ვისწავლოთ მათგან“. ვიდეოფილმმა და საუბარმა, რომელიც მას მოჰყვა, ბევრად შეუწყო ხელი იეჰოვას მოწმეების უკეთ გაცნობას.