გათხოვილი და ქალწული?

მრავალი მხატვარი და მოქანდაკე იმ განცხადების მხარდასაჭერად, რომ მარიამი იოსებთან ქორწინებაში მუდმივად ქალწული დარჩა, იოსების ხანდაზმულ მამაკაცად გამოსახვას ცდილობდა. ისინი ფიქრობდნენ, რომ, სინამდვილეში, მარიამისთვის იოსები უფრო მეურვე იყო, ვიდრე ქმარი. მაგრამ ახლახან პაპა იოანე-პავლე II-მ ამ საკითხის შესახებ სულ სხვა თვალსაზრისი გამოთქვა. მან თქვა, რომ იოსები „იმ დროს არ ყოფილა ხანდაზმული მამაკაცი“. პირიქით, „მისმა შინაგანმა სრულყოფილებამ, ღვთისგან ბოძებულმა ღირსებამ აღძრა ის, მარიამთან პლატონური სიყვარული ჰქონოდა“.

თუ მარიამი მარადიულად ქალწულულად უნდა დარჩენილიყო, რატომ დაინიშნა? „სავარაუდოა, — პასუხობს პაპი, — რომ ნიშნობის დროს ისინი შეთანხმდნენ, ერთმანეთს შორის მხოლოდ ქალწულებრივი სიყვარული ჰქონოდათ“.

მაგრამ ბიბლია ამ საკითხს სრულიად სხვაგვარად წარმოგვიდგენს. მათეს ცნობაში ნათქვამია, რომ „არ გაჰკარებია მას, ვიდრე არა შვა თავისი ძე“ (მათე 1:25, კურსივი ჩვენია). იესოს დაბადების შემდეგ იოსებისა და მარიამის ქორწინება აღარ იყო ქალწულებრივი. ამის ერთ-ერთი დამამტკიცებელი საბუთია სახარების ცნობაში მოცემული ინფორმაცია იმის შესახებ, რომ იესოს და-ძმები ჰყავდა (მათე 13:55, 56).

ამგვარად, ბიბლიის განცხადება, რომ იესოს დაბადებისას მარიამი ქალწული იყო, არავითარ საფუძველს არ გვაძლევს, ვთქვათ, რომ ის იოსებთან ცხოვრების შემდგომ პერიოდშიც ქალწული დარჩა.