„ეყვარებათ ოდესმე ადამიანებს ერთმანეთი?“
1 მთელ მსოფლიოში 169 ენაზე უნდა გაცხადდეს შესანიშნავი, ინსპირირებული და გულში ჩამწვდომი ცნობა. რა ცნობაა ეს? და როგორ გადაეცემა?
2 ცნობა მოყვასის სიყვარულზეა. ის მოცემულია „ცნობა სამეფოს შესახებ“ №35-ში, სახელწოდებით „ეყვარებათ ოდესმე ადამიანებს ერთმანეთი?“ ეს „ცნობა სამეფოს შესახებ“ მოკლედ მიმოიხილავს მთელ მსოფლიოში ამჟამად არსებულ საქმის ვითარებას და გვიჩვენებს, რომ ამდენი მწუხარებისა და ტკივილის მთავარი მიზეზი ადამიანებს შორის სიყვარულის უკმარისობაა. ის ხსნის, თუ განსაკუთრებით ჩვენს დღეებში, რატომ განელდა მოყვასის სიყვარული და რას ნიშნავს ეს მომავლისთვის.
3 ამავე დროს, „ცნობა სამეფოს შესახებ“ №35 გვიჩვენებს, რომ დღევანდელ მსოფლიოში მილიონობით ადამიანში სუფევს ჭეშმარიტი სიყვარული მოყვასის მიმართ. ის ადგენს მათ ვინაობას, რომლებიც მონაწილეობენ იმაში, რომ აღადგინონ ადრინდელი ქრისტიანობა — პირველ საუკუნეში არსებული თაყვანისმცემლობა, რომელსაც ახასიათებდა მოყვასის სიყვარული, როგორც ამას იესო ქრისტე ასწავლიდა (ლუკ. 10:25–37).
4 „ცნობა სამეფოს შესახებ“ №35 მთავრდება იმის ახსნით, თუ როგორ გამოავლენს მალე მოყვასისადმი სიყვარულს მთელი ქვეყნიერება იესო ქრისტეს ხელთ არსებული ღვთის სამეფოს მმართველობის ქვეშევრდომობით. ამ ცნობის მკითხველებს მოუწოდებენ, მიიღონ ბროშურა „რას მოითხოვს ღმერთი ჩვენგან?“ და გაიგონ, როგორ გახდნენ მთელ დედამიწაზე არსებული ამ მოსიყვარულე ღონისძიების ნაწილი, რაც დაწვრილებითაა აღწერილი ღვთის სიტყვაში.
5 ვინ გადასცემს ამ ცნობას? ოქტომბერსა და ნოემბერში იეჰოვას მოწმეები მთელ მსოფლიოში გაუზიარებენ ამ ცნობას მოყვასის სიყვარულის შესახებ თავიანთ ნაცნობებს, მეზობლებსა და ნათესავებს. ყველას, ვინც შეესაბამება მოთხოვნილებებს, მოუწოდებენ — მონაწილეობა მიიღონ „ცნობა სამეფოს შესახებ“ №35-ის საჯარო გავრცელებაში.
6 ამ კამპანიის უმთავრესი მიზანია, აღუძრას ხალხს ინტერესი, შეისწავლონ ბიბლია ბროშურის „რას მოითხოვს“ ან წიგნ „შემეცნების“ საშუალებით. გარდა ამისა, იეჰოვას თითოეული მსახურის გულწრფელი მცდელობა უდიდესი დამოწმება იქნება სიყვარულის ღვთის, იეჰოვას, და მისი ძის, იესო ქრისტეს, შესახებ.