როგორც სარა ემორჩილებოდა აბრაამს და ბატონს უწოდებდა. თუკი კარგს აკეთებთ და არ უშინდებით იმას, რაც საშიშია, თქვენც სარას შვილები ხართ“ (1 პეტრე 3:3—6).

17. რა მხრივ არის სარა კარგი მაგალითი ქრისტიანი ცოლებისთვის?

¹⁷ სარა შესანიშნავი მაგალითია ქრისტიანი ცოლებისთვის, მათ შორის მათთვის, ვისაც ურწმუნო ქმარი ჰყავს. უდავოა, სარა აბრაამს ოჯახის მეთაურად მიიჩნევდა. მან თავის გულშიც კი „ბატონი“ უწოდა აბრაამს (დაბადება 18:12). რასაკვირველია, ამით სარას ღირსება არ შელახულა. ის სულიერად ძლიერი იყო და იეჰოვასადმი მტკიცე რწმენა ჰქონდა. სარა ‘მოწმეთა დიდ ღრუბელში’ შედის, რომლის რწმენაც აღგვძრავს, „მოთმინებით გავირბინოთ ჩვენ წინ მდებარე მანძილი“ (ებრაელები 11:11; 12:1). ქრისტიანი ცოლების ღირსება არ შეილახება, თუ სარას მიჰბაძავენ.