ექიმებს დღემდე არ გააჩნიათ დენგეს ცხელების საწინააღმდეგო პრეპარატი. უმეტეს შემთხვევაში დაავადებას მკურნალობენ სახლის პირობებში კარგი დასვენებითა და სითხის დიდი რაოდენობის მიღებით.

სამწუხაროდ, აქ ანტიბიოტიკები არ გამოგვადგება, რადგან საქმე გვაქვს ვირუსულ ინფექციასთან და არა ბაქტერიულთან. პაციენტი უნდა მოერიდოს ანთების საწინააღმდეგო პრეპარატებს, მაგალითად ასპირინსა და იბუპროფენს, რადგან ამ მედიკამენტებმა შეიძლება სისხლდენა გამოიწვიოს. დენგეს ვირუსის ოთხი სახეობა არსებობს და შესაძლებელია, ეს ვირუსი ადამიანს რამდენჯერმე შეეყაროს.

თუ ეს ვირუსი შეგხვდათ, საკმარისად დაისვენეთ და მიიღეთ რაც შეიძლება ბევრი სითხე. აგრეთვე გამოიყენეთ მწერების დამცავი ბადე, რათა თავი დაიცვათ კოღოებისგან, რომლებმაც შემდგომში შეიძლება სხვებიც დააინფიცირონ.