„მოიქნია ანგელოზმა თავისი ნამგალი დედამიწისკენ, მოაგროვა დედამიწის ვაზი და ჩაყარა ღვთის რისხვის დიდ საწნახელში.

გამოცხადება 14:19,

იეჰოვამ დიდი ხნის წინათ გამოაცხადა, რომ განრისხებულია ამ ვაზზე (სოფონია 3:8). ესაიას წიგნში ჩაწერილი წინასწარმეტყველება ცხადყოფს, რომ საწნახელში დაწნეხისას ყველა ერი განადგურდება (ესაია 63:3—6). იოელიც წინასწარმეტყველებდა, რომ დიდი „ბრბოები“ ანუ ერები გაითელებოდა, განადგურდებოდა „საწნახელში“ „განაჩენის ველზე“ (იოელი 3:12—14). ასეთი მასშტაბური მოსავლის აღება აღარ განმეორდება. იოანეს ხილვის თანახმად, არა მარტო მტევნებს, არამედ მთელ სიმბოლურ ვაზს ჭრიან და გასათელად საწნახელში აგდებენ. ასე რომ, „დედამიწის ვაზი“ ერთხელ და სამუდამოდ ამოიძირკვება.

აშკარად ვხედავთ ირგვლივ სატანის ვაზის ნაყოფს. აბორტებისა და მკვლელობის სხვა ფორმების, ჰომოსექსუალიზმის, მრუშობისა და სხვა სახის უზნეობის, უპატიოსნობისა და თბილი გრძნობების ნაკლებობის გამო ეს ქვეყნიერება წაბილწულია იეჰოვას თვალში. სატანის ვაზს „შხამიანი მცენარე და აბზინდა“ გამოაქვს ნაყოფად. თავისი დამღუპველი გზითა და კერპთაყვანისმცემლობით ის კაცობრიობის დიდებულ შემოქმედს შეურაცხყოფს (მეორე კანონი 29:18; 32:5; ესაია 42:5, 8).