შეპყრობილ იქნა მხეცი და მასთან ერთად ცრუწინასწარმეტყველი, რომელიც ნიშნებს ახდენდა მის წინაშე, რითაც შეცდომაში შეჰყავდა მხეცის ნიშნის მიმღებნი და მისი ქანდაკების თაყვანისმცემელნი. ორივე ცოცხლად იქნა ჩაგდებული ცეცხლის ტბაში, რომელიც გოგირდით იწვის.

გამოცხადება 19:19—

24. ა) როგორ დაისჯებიან მხეცი და ცრუ წინასწარმეტყველი, და რა გაგებით იქნებიან იმ დროს ისინი ჯერ კიდევ ცოცხლები? ბ) რა ამტკიცებს იმას, რომ „ცეცხლის ტბა“ სიმბოლურია?

²⁴ ზღვიდან ამოსული შვიდთავიანი და ათრქიანი მხეცი, რომელიც სატანის პოლიტიკურ ორგანიზაციას განასახიერებს, ცრუ წინასწარმეტყველთან, მეშვიდე მსოფლიო მპყრობელთან ერთად მიეცემა დავიწყებას (გამოცხადება 13:1, 11—13; 16:13). მათ ჩაყრიან „ცეცხლის ტბაში“, როცა ისინი ჯერ კიდევ ცოცხლები იქნებიან, ანუ, როცა გაერთიანებულად იმოქმედებენ და შეეწინააღმდეგებიან ღვთის ხალხს დედამიწაზე. პირდაპირი გაგებით ცეცხლისაა ეს ტბა? არა, როგორც მხეცი და ცრუ წინასწარმეტყველი არ არიან პირდაპირი გაგებით ცხოველები. ეს სრული, საბოლოო განადგურების სიმბოლოა.