მაგალითად, გარკვეული ქირურგიული პროცედურების დროს, როდესაც სისხლის ჰემოდილუციას ახდენენ, სისხლის გარკვეული ნაწილი სხეულიდან გამოჰყავთ. სისხლი, რომელიც პაციენტის სხეულში რჩება, ძალიან თხელდება. მოგვიანებით მის სისხლს, რომელიც სხეულის გარეთ არის, მიმოქცევაში ორგანიზმს უბრუნებენ და, ამგვარად, პაციენტის სისხლის ანალიზი ნორმის ფარგლებში დგება.

დეტალები შეიძლება განსხვავდებოდეს ერთმანეთისგან, და, რა თქმა უნდა, ახალი პროცედურები, მკურნალობისა და ანალიზის მეთოდები შეიცვლება და გაუმჯობესდება. ჩვენ არ შეგვიძლია განვიხილოთ და ვისაუბროთ მკურნალობის თითოეულ ვარიანტზე და გადაწყვეტილება მივიღოთ. ქრისტიანმა თვითონ უნდა გადაწყვიტოს, როგორ მოეპყრობა თავის სისხლს ოპერაციის, სამედიცინო შემოწმებისა თუ მკურნალობის პროცესში. მან წინასწარ უნდა გაიგოს ექიმისგან ან ლაბორანტისგან, თუ რას უზამენ მის სისხლს პროცედურის დროს. შემდეგ კი სინდისის კარნახით უნდა მიიღოს გადაწყვეტილება (იხილეთ ჩარჩო).