მილფორდ-საუნდი
ქვეყნები და ხალხები
სტუმრად ახალ ზელანდიაში
დაახლოებით 800 წლის წინ მაორის ზოგი ტომი პოლინეზიის კუნძულებიდან ათასობით კილომეტრის მოშორებით მდებარე ახალი ზელანდიის კუნძულებზე დასახლდა. ამ კუნძულების ლანდშაფტი სრულიად განსხვავდებოდა პოლინეზიის ტროპიკული კუნძულებისგან. იქ მაორებმა, ალბათ, პირველად ნახეს თოვლით დაფარული მთის მასივები, მყინვარები და თერმული წყაროები. დაახლოებით ხუთი საუკუნის შემდეგ ამ კუნძულებზე შორეული ევროპიდანაც დასახლდა ხალხი. დღეს ახალზელანდიელების უმეტესობისთვის მისაღებია როგორც ანგლოსაქსური, ისე პოლინეზიური ადათ-წესები და ტრადიციები. მოსახლეობის თითქმის 90 პროცენტი ქალაქებში ცხოვრობს. აღსანიშნავია, რომ უელინგტონი უკიდურესი სამხრეთით მდებარე ერთადერთი დედაქალაქია მსოფლიოში.
თერმული ტალახი ჩრდილოეთ კუნძულზე
ახალი ზელანდია გამოირჩევა მრავალფეროვანი ლანდშაფტით, რაც ერთობ შთამბეჭდავ სანახაობას ქმნის. ამიტომ გასაკვირი არაა, რომ გეოგრაფიული იზოლირების მიუხედავად, ამ ქვეყანას ყოველწლიურად 3 მილიონამდე ტურისტი სტუმრობს.
მოვერცხლისფრო ხეგვიმრის სიმაღლე 10 მეტრზე მეტს აღწევს
1948 წლამდე ზოოლოგებს არამფრენი ფრინველი ტაკაჰე გადაშენებული ეგონათ
ახალ ზელანდიაში მეტად უცნაური სახეობის ცხოველები ბინადრობენ. მსოფლიოში სხვაგან ვერსად შეხვდებით ამდენ არამფრენ ფრინველს. ამ კუნძულებზე ბინადრობს ტუატარაც (იგივე ჰატერია), ხვლიკისმაგვარი ქვეწარმავალი, რომელიც 100 წლამდე ცოცხლობს. ძუძუმწოვართა შორის მხოლოდ რამდენიმე სახეობის ღამურა, ვეშაპი თუ დელფინია ენდემური.
ახალ ზელანდიაში იეჰოვას მოწმეებმა თავიანთი საქმიანობა თითქმის 120 წლის წინ დაიწყეს. ისინი ბიბლიურ ცნობას ქადაგებენ 19 ენაზე, მათ შორის ისეთ პოლინეზიურ ენებზე, როგორიცაა ნიუეური, რაროტონგური, სამოური და ტონგური.
ტრადიციულ სამოსში გამოწყობილი მაორები მღერიან და ცეკვავენ