მან ორმოცდაათი წელი იმსახურა სპეციალურ პიონერად

ათას ცხრაას სამოცდაოთხ წელს სპეციალურ პიონერად დავინიშნე მანოკვარში, დასავლეთ პაპუაში. იქ არსებული პატარა კრება სამღვდელოების მხრიდან სასტიკ წინააღმდეგობას ხვდებოდა. ქალაქში ჩასვლიდან მალევე პროტესტანტული ეკლესიის ერთი მსახური სახლში მომივარდა და აყალმაყალი ამიტეხა.

„იცოდე, ამ სახლს დაგინგრევ და მანოკვარში იეჰოვას მოწმეების სახსენებელს გავწყვეტ!“, — იმუქრებოდა იგი.

ყოფილი პოლიციელი ვიყავი და მის მუქარაზე წარბიც არ შემიხრია. მისი აგრესიის მიუხედავად, მშვიდად ვუპასუხე, რამაც ის ნელ-ნელა დააცხრო (1 პეტ. 3:15).

იმ დროს მანოკვარში რვა მაუწყებელი იყო, დღეს კი, თითქმის 50 წლის შემდეგ, იქ შვიდი კრებაა. 2014 წელს ადგილობრივ რეგიონულ კონგრესს 1 200-ზე მეტი ადამიანი დაესწრო. უდიდესი კმაყოფილების განცდა მეუფლება, როდესაც საკუთარი თვალით ვხედავ, რა დიდებული საქმეები მოიმოქმედა იეჰოვამ ამ რეგიონში!