Magam Lawk Hta Nga Ai Masha Yawng Hpe Myit Dum Poi Sa Lung Na Matu Saw Shaga U

February 27 hta hpang na Campaign aten laman, anhte a lawk hta na masha yawng hpe Hkristu A Si Ai Myit Dum Poi sa lung na matu, dang lu ai daram saw shaga mat na re. Myit lawm ai ni yawng hpe mung matut karum ya lu hkra atsawm sadi ra ai.

Galaw Mai Ai Lam Ni

Saw Shaga Na Ladat

“Grai ahkyak ai lamang hpe lung na matu, saw shaga laika wa jaw ai re. March 23 hta mungkan ting na masha wan law law gaw Yesu Hkristu A Si Ai Myit Dum Poi hpe lung na matu hkrum zup na re. Ndai lamang hta Yesu Hkristu si ai majaw anhte ni hpa akyu lu na ngu ai mungga hpe manu jahpu n jaw ra ai sha madat lu na re. Ndai saw shaga laika hta ahkying aten hte shara hpe madun da ai. Nang hpe mung sa lung na matu saw shaga ga ai.”

Myit lawm ai lam madun yang . . .

• T-32, Ngwi Pyaw Ai Kun Dinghku Hpe Gara Hku Lu La Mai Na Ta?

  Bai kawan ai lam galaw na matu lam hpaw da u.

• Myit Dum Poi Video Hpe Madun U

  Bai kawan ai lam galaw na matu lam hpaw da u.

Bai kawan ai shaloi galaw mai ai lam ni . . .

• Chyum Laika Hpe Hpa Majaw Hkaja Ra Ai Kun? ngu ai video hpe madun u.

  Chyum Laika hkaja mai ai laika buk hpe garan u.

• Karai Kasang Kaw Na Kabu Gara Shiga laika buk hpe garan u.

  Myit Dum Poi hpa majaw galaw ai lam chye hkra daw 4, ga san 3 hte 4 hpe sang lang dan u. Dai hpang laika buk hpe garan u.

• Karai Kasang A Ga Madat U ngu ai laika buk hpe garan u

  Laika man 18-19 hpe jailang nna Hkristu si ai a lachyum hpe sang lang dan u. Ngut yang brochure hpe garan ya u.