DAW 59
Zingri Zingrat Ai Lam Hpe Nang Hkamjan Lu
Kade nna yang Hkristan yawng gaw, ninghkap ai lam ni (sh) zingri zingrat ai lam ni pyi hkrum chye ai. Dai lam hpe myit tsang ging ai kun?
1. Zingri zingrat ai lam hpe hpa majaw myit mada da ra ai kun?
Chyum Laika hta ndai hku tsun da ai: “Hkristu Yesu hta tara hkungga ai lam hkan nang mayu ai ni nlang hte gaw, zingri zingrat ai hkrum lu na mara ai.” (2 Timohti 3:12) Yesu gaw Satan a mungkan hte n seng ai majaw, zingri zingrat hkrum wa ai. Anhte mung mungkan hte n seng ai majaw, mungkan a asuya ni hte nawku htung ni anhte hpe zingri zingrat wa yang n mau ga ai.—Yawhan 15:18, 19.
2. Zingri zingrat ai lam a matu gara hku hkyen lajang na kun?
Ya aten kaw nna Yehowa hpe kamhpa ai myit nga hkra galaw da ra ai. Shani shagu akyu hpyi na aten, Chyum Laika hti na aten hpe masat da ra ai. Nawku zuphpawng ni hpe ayan lung ra ai. Rai yang, gara zingri zingrat lam (sh) nta masha ni kaw na ninghkap ai lam ni hkrum wa tim pyi, nden marai rawng let hkamjan lu na re. Zingri zingrat ai lam hpe chyahkring hkring hkrum wa ai kasa Pawlu ndai hku tsun ai: “Dai Madu [Yehowa] ngai hpe karum ai wa rai nga ai, Ngai hpa mung n hkrit nga nngai.”—Hebre 13:6.
Hkaw tsun bungli hta ayan shang lawm yang, nden marai nga wa na re. Hkaw tsun bungli gaw, Yehowa hpe kamhpa ai myit nga hkra, masha hpe hkrit ai myit hpe tawt lai lu hkra karum ya ai. (Ga Shagawp 29:25) Ya kaw nna hkaw tsun gwi hkra galaw da na nga yang, anhte a bungli hpe asuya ni pat shingdang wa tim pyi, matut hkaw tsun lu na re.—1 Htesaloni 2:2.
3. Zingri zingrat ai lam hpe hkamjan ai gaw gara hku akyu lu shangun ai kun?
Zingri zingrat hkrum ai majaw anhte n kabu tim, hkamjan let tawt lai lu ai shaloi, makam masham grau ngang kang wa ai. Anhte n hkamjan lu sai ngu hkamsha ai shaloi, Yehowa karum ya ai hpe hkam la lu nna, shi hte grau nihtep wa ai. (Yaku 1:2-4 hpe hti u.) Anhte yakhkak hkrum nga ai majaw Yehowa myit n pyaw ai. Raitim, anhte hkamjan lu ai hpe mu ai shaloi, shi grai kabu ai. Chyum Laika hta ndai hku tsun da ai: “Kaja ai amu galaw ninglen, nni nkri hkrum sha ai hte machyi sharang nga myit yang gaw, dai gaw Karai Kasang a man e akyu rai nga ai.” (1 Petru 2:20) Sadi dung let hkamjan ai ni yawng hpe Yehowa jaw na shaman chyeju gaw, ninghkap ai ni n nga ai mungkan hta htani htana asak hkrung lu na lam re.—Mahte 24:13.
Kahtap Hkaja
Zingri zingrat ai lam ni hkrum tim, Yehowa hpe sadi dung lu nna shaman chyeju lu la mai ai ngu ai hpe hkaja yu ga.
4. Nta masha ni a ninghkap ai lam hpe hkamjan lu
Yehowa hpe nawku dawjau na ngu ai anhte a dawdan lam hpe, nta masha nkau n ra na hpe Yesu chye ai. Mahte 10:34-36 hpe hti nna, ndai ga san hpe bawngban u:
Yehowa hpe nawku dawjau na ngu dawdan ai shaloi, nta masha ni hpa galaw chye ai kun?
Ga shadawn langai hpe yu na matu, VIDEO hpe hpaw. Dai hpang ndai ga san hpe bawngban u.
Yehowa hpe n nawku mat hkra, nta masha (sh) manang ni shakut wa yang hpa galaw na kun?
Shakawn 27:10 hte Marku 10:29, 30 hpe hti u. Chyum daw ni hpe hti ngut ai hpang, ndai ga san hpe bawngban u:
Nta masha (sh) manang ni a ninghkap ai lam hkrum wa yang, ndai ga sadi gaw gara hku karum ya lu ai kun?
5. Zingri zingrat hkrum tim Yehowa hpe matut nawku lu
Yehowa hpe n nawku mat hkra, kaga ni pat shingdang wa ai shaloi, nden marai nga ra ai. VIDEO hpe hpaw, dai hpang ndai ga san hpe bawngban u.
Ndai video hta mu lu ai kasi ningli ni gaw, nang hpe gara hku n-gun jaw ai kun?
Kasa 5:27-29 hte Hebre 10:24, 25 hpe hti u. Chyum daw ni hpe hti ngut ai hpang, ndai ga san hpe bawngban u:
Hkaw tsun bungli hte zuphpawng ni hpe pat shingdang wa ai shaloi hta pyi, Yehowa hpe matut nawku na matu hpa majaw ahkyak ai kun?
6. Hkamjan lu hkra Yehowa karum ya
Mungkan ting hta nga ai Yehowa Sakse asak kaji, kaba yawng gaw, zingri zingrat ai lam ni hkrum tim, Yehowa hpe matut sadi dung let nawku nga ai. Hpa gaw shanhte hpe karum ya ai hpe chye na matu, VIDEO hpe hpaw. Dai hpang ndai ga san hpe bawngban u.
Ndai video hta, hkamjan lu hkra Sakse Hkam ni hpe hpa gaw karum ya wa ai kun?
Roma 8:35-39 hte Hpilipi 4:13 hpe hti u. Chyum daw ni hpe hti ngut ai hpang, ndai ga san hpe bawngban u:
Gara manghkang mi hkrum tim, hkamjan lu ai hpe ndai Chyum daw gaw gara hku kam shangun ai kun?
Mahte 5:10-12 hpe hti nna, ndai ga san hpe bawngban u:
Zingri zingrat hkrum tim, hpa majaw kabu lu ai kun?
Yehowa hpe nawku dawjau ai wan hku law ai masha ni gaw, ninghkap ai lam hpe hkamjan lu ai. Nang mung hkamjan lu
Nkau Mi Tsun Ai: “Zingri zingrat hkrum wa yang ngai hkamjan lu na n re.”
Shanhte kamhpa myit nga wa hkra, gara Chyum daw ni gaw karum ya lu ai kun?
Kadun Dawk
Zingri zingrat lam ni hkrum tim, Yehowa hpe nawku dawjau na matu shakut ai hpe shi manu shadan ai. Shi a karum shingtau lam hte anhte hkamjan lu ai.
Bai Maram
Hkristan ni gaw zingri zingrat ai lam hpe hpa majaw myit mada da ra ai kun?
Zingri zingrat hkrum wa yang jin jin rai nga na matu, ya kaw nna hpa galaw da lu ai kun?
Manghkang ni hkrum tim, Yehowa hpe matut nawku dawjau lu na ngu nang hpa majaw kam ai kun?
Sawk Sagawn
Ramma hpunau langai gaw lapran nga ai majaw htawng jahkrat hkrum ai shaloi, hkamjan lu hkra Yehowa gara hku karum ya wa ai hpe yu yu u.
Yan la langai gaw, ninghkap ai lam ni hpe shaning law law hkrum wa tim, Yehowa hpe sadi dung let magam gun lu hkra hpa gaw karum ya wa ai hpe yu yu u.
Zingri zingrat ai lam hpe nden marai hte gara hku hkamjan lu ai lam hpe hti yu u.
“Hkrum Wa Na Zingri Zingrat Lam A Matu Ya Kaw Nna Hkyen Lajang Da U” (Sin Langchyi, July 2019)
Nta masha ni a ninghkap ai lam hpe gara hku mu mada ging ai kun? Sadi dung nna matut simsa lu hkra gara hku galaw mai na kun?