HKAW TSUN BUNGLI HTA GRAU KAJA HKRA GALAW AI LAM​—Hkaw Tsun Lawk Hta Mu Ai Ni Yawng Hte Matut Mahkai U

HPA MAJAW AHKYAK: Ga amyu myu shaga ai ni gaw, kabu gara shiga hpe sharawng awng ai myit hte hkap la na ngu, Zehkaria myihtoi wa ai. (Zeh. 8:23) Raitim, shanhte hpe kadai ni sharin ya na kun? (Rom. 10:13-15) Hkaw tsun lawk hta nga ai masha yawng hpe, kabu gara shiga hkaw tsun na laksan ahkaw ahkang anhte lu da ai.​—⁠od 84 ¶10-11.

GALAW MAI AI LAM:

• Shajin u. Kaga amyu ga shaga ai ni hte hkrum ai kun? JW Language app hta na, chye na loi ai hkaw tsun ladat hpe sharin la u. Shing nrai, jw.org website hta lawm ai kaga lam ni hpe shi a amyu ga hte gara hku tam mai ai lam, na a phone, tablet ni hte madun ya mai ai.

• Myi zen u. Nang hkaw tsun bungli hta shang lawm nga ai shaloi, hkawm sa hkawm wa ni (sh) mawdaw la nga ai ni hpe mung hkaw tsun u. Shawa hpawng man sakse hkam ai hta shang lawm ai rai yang, sakse hkam lu na matu myit maju jung u

• N-gun shadat u. Masha n nga ai nta de bai sa na matu shakut u. Lani mi a gara aten (sh) gara shani ni hta nta kaw nga ai hpe chye hkra galaw nna matut mahkai u. Nta madu nkau mi gaw laika, phone (sh) lam ntsa sakse hkam ai hku nna, matut mahkai ra chye ai

• Matut galaw u. Kachyi mi sha myit lawm ai lam madun yang pyi bai kawan u. Kaga amyu ga shaga ai wa rai yang, shi a amyu ga hte lu karum ya ai langai ngai hpe tam u. Shi a amyu ga hte tsun dan lu na hkaw tsun masha hte n matut mahkai lu dingsa, matut nna nang kawan ging ai.​—⁠od 94-95 ¶39-40

“MUNGKAN A GRAI TSAN AI SHARA NI HTA HKAW TSUN AI LAM” NGU AI VIDEO HPE MADUN NGUT AI HPANG, NDAI GA SAN NI HPE DINGLIK YU U:

• 

  Grai tsan ai shara na masha ni hte matut mahkai lu na matu, hpunau nauna ni gara hku shajin ai kun? (1Kro. 9:22, 23)

• 

  Shanhte gara dingbai dingna ni hkrum ai kun?

• 

  Shanhte gara shaman chyeju ni lu wa ai kun?

• Na a magam lawk hta nga ai masha ni hte matut mahkai lu hkra nang gara hku shakut mai ai kun?