Hkaw Tsun Bungli Hta Grau Kaja Hkra Galaw Ai Lam​—Myi N Mu Ai Ni Hpe Sakse Hkam

HPA MAJAW AHKYAK: Myi n mu ai ni gaw, tsasam masha ni hte ga shaga na matu nau n gwi ma ai. Dai majaw, shanhte hpe sakse hkam na matu ladat chye shaw ra ai. Yehowa gaw myi n mu ai ni hpe myit tsang nna lanu lahku ai. (Jaw 19:14) Myi n mu ai ni Yehowa a lam chye wa hkra, anhte shawng shaga hpang ai hku nna, Yehowa hpe kasi la mai ai.

GALAW MAI AI LAM:

• Myi n mu ai ni hpe “tam” u. (Mat 10:11) Myi n mu ai masha nga ai nta hpe chye ai kun? Hkaw tsun lawk hta myi n mu ai ni a jawng, shanhte hpe lanu lahku ai htingnu (sh) myi n mu ai ni a matu shapraw da ai laili laika ni nga ai kun?

• Myit lawm ai lam madun u. Myi n mu ai ni hpe hku hku hkau hkau hte myit lawm let shaga yang, shanhte hkap la wa na re. Shanhte myit lawm ai lam hta hkan nna tsun shaga hpang lu hkra shakut u

• Wenyi lam hta karum ya u. Myi n mu ai ni a matu laili laika ni hpe hkrang amyu myu hte uhpung hta, shapraw da ya ai. Shanhte langai hpra hpe gara hte hkaja mayu ai kun ngu nna san u. Dai majaw, magam hpa-awn gaw myi n mu ai ni a matu grau akyu nga na ni hpe hpyi shawn na matu, laili laika magam gun hpe matsun ging ai