Chyum Laika Nsen Rim Da Ai Hpe Atsawm Akyu Jashawn Nga Ai Kun?

Chyum Laika nsen rim da ai ngu ai gaw hpa rai kun? Chyum Laika nsen rim da ai ngu ai gaw, bai shapraw da ai Mungkan Nnan Ga Gale Chyum Laika (Myen) hpe nsen hte madat lu hkra galaw da ai re. Byin mai ai daram, amyu ga law law hte angwi ngwi shapraw nga ai. Galaw da ai lam langai gaw, Chyum Laika hta lawm ai masha langai hpra a shara hta n bung ai nsen amyu myu lang da ai re. Chyum Laika shiga hpe tup hkrak teng ai hku chye lu hkra, ga si ni hpe htap htuk ai hku ahkyak shatai nna hkamsha lam lawm hkra hti da ai.

Chyum Laika nsen rim da ai kaw na akyu lu ai lam nkau gaw hpa rai kun? Chyum Laika nsen rim da ai hpe ayan madat ai ni gaw, Karai a Mungga gaw shanhte a matu gaja wa lachyum rawng wa ai. Dai hpe shanhte ra sharawng ai. Chyum Laika hta lawm ai masha langai hpra a shara hta, n bung ai nsen amyu myu hte madat lu ai majaw, Chyum Laika mabyin ni hpe grau nna shingran yu lu ai, hpa tsun mayu ai hpe asan sha chye na lu ai. (Gsh 4:5) Masha law law gaw myit tsang ai shaloi, Chyum Laika nsen rim da ai hpe madat ai majaw, shalan shabran lam lu la ai.—Shk 94:19.

Karai a Mungga hpe nsen shapraw nna hti ai hpe na lu ai gaw, anhte a prat hpe akyu shabyin ya lu ai atsam nga ai. (2Hl 34:19-21) Na amyu ga hte Chyum Laika nsen rim da ai hpe, daw hte daw hku (sh) yawng hpe lu madat ai nga yang, ayan madat ai akyang nga hkra galaw lu na kun?

CHYUM LAIKA HPE NSEN RIM AI LAM—KADUN, VIDEO HPE YU NNA LAWU NA GA SAN HPE HTAI U:

Chyum Laika hpe nsen rim ai lam hte seng nna nang hpa hpe ra sharawng ai kun?