Mbivilia Ĩmanyĩasya Ata?

Ve ĩvinda kũkesa kwĩthĩwa ũsili wa katĩ ĩũlũ wa nthĩ?

We ũtonya kũsũngĩa ata?

• Ĩĩ

• Aiee

• Nĩvatonyeka

Ũndũ Mbivilia yaasyaa

“Nĩnĩsĩ Yeova akamalũlũmĩlĩlasya ala mathĩnaa ũvoo woo, na sila wa katĩ kwondũ wa athĩni.” (Savuli 140:12) Ũsumbĩ wa Ngai ũkaete ũsili wa katĩ ĩũlũ wa nthĩ.

Nĩ ũndũ ũngĩ mwaũ tũkwĩmanyĩsya kuma Mbivilianĩ?

• Ngai nĩwĩthĩawa ene ũsili ũte wa katĩ ũla wĩ ĩũlũ wa nthĩ na akilyĩ kũũmina.​—⁠Mũtavanʼya 5:⁠8.

• Ũsili wa katĩ kuma kwa Ngai ũkatuma kwĩthĩwa mũuo na andũ mayĩkala mate na mũisyo.​—⁠Isaia 32:​16-18.

We Ngai nĩwendeeasya andũ amwe?

Andũ amwe maĩkĩĩaa kana Ngai nũathimĩte andũ amwe na akaumanĩa angĩ. Namo angĩ maĩkĩĩaa kana Ngai akuaa andũ onthe ũndũ ũmwe. We wĩ na woni mwaũ?

Ũndũ Mbivilia yaasyaa

“Ngai ti mwendeesya wa andũ; ĩndĩ mbaĩnĩ syonthe ũla ũmũkĩaa we, na kwĩka ũlũngalu, nĩwĩtĩkalawa nĩwe.” (Meko ma Atũmwa 10:​34, 35) Methonĩ ma Ngai, andũ onthe nĩmeanene.

Nĩ ũndũ ũngĩ mwaũ tũkwĩmanyĩsya kuma Mbivilianĩ?

• Mbivilia yĩ na “ũvoo mũseo” kwa “kĩla mũthemba na mbaĩ na kĩthyomo na ũko wa andũ.”​—⁠Ũvuanʼyo 14:⁠6.