Mĩio yonthe ya kaũ ĩkaanangwa
Mbivilia Ĩmanyĩasya Ata?
Nthĩ ĩkesa kwĩthĩwa na mũuo?
We ũtonya kũsũngĩa ata?
Ĩĩ
Aiee
Nĩvatonyeka
Ũndũ Mbivilia yaasyaa
Ũsumbĩnĩ wa Yesũ Klĩsto, “kũkeethĩwa mũuo mwingĩ, kũvika mwei ndũkethĩwa ĩngĩ,” na ũu nĩ kwonanyʼa kana kũkeethĩwa mũuo tene na tene.—Savuli 72:7.
Nĩ ũndũ ũngĩ mwaũ tũkwĩmanyĩsya kuma Mbivilianĩ?
Andũ ala athũku makavetangwa ĩũlũ wa nthĩ nĩ kana ala aseo ‘metanyʼe mũuonĩ mwingĩ.’—Savuli 37:10, 11.
Ngai akamina vyũ kaũ wʼonthe. —Savuli 46:8, 9.
Nĩvatonyeka andũ makethĩwa na mũuo wa kĩlĩko ĩvindanĩ yĩĩ?
Andũ amwe maĩkĩĩaa . . . kana andũ mayĩsa kwĩthĩwa na mũuo wa kĩlĩko tũilyĩ nthĩ yusĩe mathĩna na ũsili ũte wa katĩ. We wĩ na woni mwaũ?
Ũndũ Mbivilia yaasyaa
O na ũmũnthĩ, ala methĩawa na ngwatanĩo ndũmu na Ngai no methĩwe na “mũuo wa Ngai, ũla ũvĩtũkĩte ũmanyi wʼonthe.”—Avilivi 4:6, 7.
Nĩ ũndũ ũngĩ mwaũ tũkwĩmanyĩsya kuma Mbivilianĩ?
Ngai athanĩte kũmina mathĩna na ũsili ũte wa katĩ, na ‘aitwʼĩkĩthya maũndũ onthe meũ.’—Ũvuanʼyo 21:4, 5.
No twĩthĩwe na mũuo wa kĩlĩko kwa kwĩthĩwa na “ũkya wa ngoo,” kana wendi wa kũmũmanya Ngai.—Mathayo 5:3.