Imanyĩthya sya Ũthũkũmi

――――――――――――――

[Ũvoo ĩũlũ wa visa ĩthangũnĩ ya 4]

Kenya: Mweinĩ wa 3, kĩlungu kya 31 kwa 100 kya atavanyʼa onthe nĩmanosete ũthũkũmi wa ũvainia, ũũ nĩ vamwe na ũvainia wa mavinda. Ũtalo wa mavainia ma kĩla ĩvinda nĩndĩ ũnavikie 2,816 ĩvinda ya mbee, na kũnaĩ wongeleku wa 4 kwa 100 wa atavanyʼa twasianĩsya na ũtalo wa mwaka mũthelu. Kwa wʼo, ũthũkũmi wa Mwei wa 3 nũnongelekile.

Uganda: Aa nĩ amwe ma maũndũ manene nthĩnĩ wa livoti ya Mwei wa 3, 2012, ĩla ĩnaĩ na ũtalo ũtaavikĩĩwa ĩngĩ: Atavanyʼa 5,676, masaa 171,391, makaseti 96,861, na masyokeo 88,249. Ũtalo wa ĩũlũ vyũ wa amanyĩwʼa ma Mbivilia mweinĩ ũũ ũnaĩ 16,347, ũla nĩ wongeleku wa 15.5 kwa 100 wasianĩwʼa na ũtalo wa mwaka mũthelu. Nĩ ũtanu ta kĩ kwona ũndũ andũ aingĩ manethukĩĩisye ũvoo mũseo mweinĩ ũũ wa ũthũkũmi wa mwanya, o tondũ wongeleku ũũ wonanĩtye!—Sav. 110:3.