Thokya Ala me Kĩsionĩ Kyenyu Ũmbanonĩ wa Kũlilikana Kĩkwʼũ kya Yesũ!

Kambeini ya kũthokya andũ kwondũ wa kũlilikana kĩkwʼũ kya Yesũ ĩkambĩĩa Matukũ 27, Mwei wa 2, na tũkathokya andũ aingĩ ũndũ vatonyeka. O na nĩtwaĩle kwĩthĩwa twĩ metho mũno nĩ kana tũmanye ala mekwendeewʼa, na tũimasyokea.

ŨNDŨ ŨTONYA KWĨKA

MŨTAVYE KĨTUMI KYA KŨMŨTHOKEA

“Twĩnengae andũ kathangũ kaa ka kũmathokya ũmbanonĩ wa vata mũno. Matukũ 23, Mwei wa 3, andũ milioni mbingĩ ĩũlũ wa nthĩ makoombana vamwe nĩ kana malilikane kĩkwʼũ kya Yesũ Klĩsto na mayĩthukĩĩsya ũvoo wa Mbivilia vate ndĩvi, ũla ũkaneenea ũndũ kĩkwʼũ kya Yesũ kĩtũtethasya. Kathangũ kaa nĩkakwonetye saa na vala ũmbano ũsu ũkekĩwa. Ethĩwa nũkakwata mwanya, wĩmũthokye.”

Ethĩwa mũndũ ũsu nĩwendeewʼa . . .

• MŨNENGE ĨKASETI YA MŨSYAĨĨSYA

  Mũtavye kĩla mwĩneenea wasyoka.

• MWONYʼE VITIO YA KŨLILIKANA KĨKWʼŨ KYA YESŨ

  Mũtavye kĩla mwĩneenea wasyoka.

Wamũsyokea, no . . .

• ŨMWONYʼE VITIO NĨKĨ WAĨLE KWĨMANYĨSYA MBIVILIA?

  Na ĩndĩ ũimũnenga ĩvuku ya kwĩmanyĩsya Mbivilia.

• ŨMŨNENGE ĨVUKU MBIVILIA YO ĨMANYĨASYA ATA?

  Neeneai maũndũ maingangĩ ĩũlũ wa kũlilikana kĩkwʼũ kya Yesũ ũtũmĩĩte ũvoo ũla wĩ ĩthangũnĩ ya 206-208. Na ĩndĩ ũimũnenga ĩvuku yĩu.

• ŨMŨNENGE MBULOSUA MWĨTHUKĨĨSYE NGAI

  Neeneai ĩũlũ wa kĩkwʼũ kya Yesũ ũtũmĩĩte ũvoo ũla wĩ ĩthangũnĩ ya 18-19. Na ĩndĩ ũimũnenga mbulosua ĩno.