Kambeini ya Kũthokya Andũ Ũmbanonĩ wa Kũlilikana Kĩkwʼũ kya Yesũ Ĩkambĩĩa Matukũ 22, Mwei wa 3
Kambeini ya kũthokya andũ kwondũ wa kũlilikana kĩkwʼũ kya Yesũ mwaka ũũ ĩkambĩĩa Wathanthatũ, Matukũ 22, Mwei wa 3. Ithyonthe nĩtũkwĩkĩwa vinya twĩyumye na ngoo yonthe kũthokya andũ. Mĩthenya ya Wathanthatũ na Wakyumwa, tũkanenganae makaseti ma mĩtũkĩ ĩla twoona vaĩle. Wathanthatũ wa mbee wa Mwei wa 4, tũkathokya andũ vandũ va kũmantha andũ ma kũmanyĩwʼa Mbivilia. O na ũu wĩ o vo, no twambĩĩe kwĩmanyĩsya Mbivilia na mũndũ twoona ayendeewʼa mũno. Mũsyaĩĩsya wa ũthũkũmi no asisye one ethĩwa andũ aingĩ no mathokwʼe atavanyʼa manengane tũthangũ twa kũthokanyʼa kũndũ kũngĩ eka nyũmba na nyũmba. Andĩka yu masyĩtwa ma andũ ala ũthũkũmaa namo, andũ ma mũsyĩ, ala ũsomaa namo, masyokeo, na andũ angĩ ala ũkwenda kũmathokya na ũimanenge kathangũ ka kũmathokya kambeini yambĩĩa. Twĩ na wĩkwatyo kana andũ aingĩ makeethĩwa vamwe naitũ nĩ kana tũlilikane ũndũ Yeova na Yesũ matwonisye wendo mwingĩ mũno.—Yoa. 3:16; 15:13.