Ĩvathane na Mĩisyo Ĩla Yumanaa na Kũtũmĩa Isese sya Kũea Ngewa Indanetinĩ

NĨKĨ NĨ ŨNDŨ WA VATA: O ta mĩio mingĩ, kũtũmĩa isese sya kũea ngewa Indanetinĩ no kũtũtethye kana kũkatũũmĩsya. Aklĩsto amwe nĩmanyuvaa kũlea kũitũmĩa. Namo angĩ nĩmaitũmĩaa kũneena na andũ ma mũsyĩ na anyanya moo. Ĩndĩ o na ũu wĩ o vo, Ndevili nĩwendaa tũtũmĩe isese isu kwa nzĩa ĩte ya ũĩ, ĩla ĩtonya kũtwanangĩa ndaĩa na ngwatanĩo yitũ na Yeova. O ta Yesũ, no tũtũmĩe myolooto kuma Ndetonĩ ya Ngai nĩ kana tũmanye mĩisyo ĩla ĩtonya kũtũkwata na tũyĩvathana nayo.—Lk 4:4, 8, 12.

MĨISYO ĨLA TWAĨLE KWĨVATHANA NAYO:

• Kũtũmĩa ĩvinda yingĩ kĩsesenĩ kya kũea ngewa. Kũtũmĩa masaa maingĩ isesenĩ sya kũea ngewa no kũtume tũtethĩwa na mwanya wa kwĩka maũndũ ma kĩ-veva

  Myolooto ya Mbivilia: Aev 5:15, 16; Avi 1:10

• Kwĩloela syĩndũ itaĩle. Kũsisya visa ite nzeo no kũtume tũyĩthĩwa na kĩmanyĩo kya kwĩloela mavisa ma ũlaalai kana tũlika mwĩkalĩlenĩ mũthũku wa ũlaalai. Kũsoma ngewa sya akaĩi ma mũĩkĩĩo mavukunĩ kana Indanetinĩ no kwanange mũĩkĩĩo witũ

  Myolooto ya Mbivilia: Mt 5:28; Avi 4:8

• Kũtũma visa itaĩle kana kũandĩka maũndũ mataĩle. Nũndũ ngoo sitũ nĩ ngengani, mũndũ no ende kũandĩka ũvoo ũtaĩle kana kwĩkĩa visa nthũku isesenĩ sya kũea ngewa. Ĩndĩ, kwĩka ũu no kwanangĩe mũndũ ndaĩa na kũkatuma andũ angĩ malulutĩka

  Myolooto ya Mbivilia: Alo 14:13; Aev 4:29

ĨLOELEI VITIO YĨ NA KYONGO, TŨMĨA NA ŨĨ ISESE SYA KŨEA NGEWA INDANETINĨ, NA ĨNDĨ MŨINEENEA ŨNDŨ MŨTONYA KWĨVATHANA NA MAŨNDŨ AA MAATĨĨE: