Syo Ngũsĩ sya Yeova Itavanasya Nyũmba na Nyũmba Nĩ Kana Syĩĩvwa kwa Kũtangĩĩwa?

Aiee. Nĩtũtavanasya nyũmba na nyũmba ĩndĩ tũiĩkĩĩaa atĩ tũkatangĩĩwa nũndũ wa kwĩka ũu. (Aeveso 2:8) Nĩkĩ?

Kwasũanĩa ngelekanyʼo ĩno: Twasye mũndũ ũmwe mũlau nĩwathanĩte kana mũndũ ũla ũkavika vandũ vana mũthenya mũna nũkũmũnenga mũthĩnzĩo. Ethĩwa nũmũĩkĩĩe mũndũ ũsu tyo ũatĩĩe maũndũ ala ũkũũtavya? Ndũlea kũatĩĩa. O na eka ũu, no kwĩthĩwa ũtonya kũtavya anyanyau na andũ ma mũsyĩ ĩũlũ wa mũvango ũsu nĩ kana o namo matetheke nĩwʼo. Ĩndĩ o na ũu wĩ o va ndũũnewa mũthĩnzĩo ũsu aĩ nũndũ nĩwathũkũma. Ũsu no mũthĩnzĩo.

O ta ũu, Ngũsĩ sya Yeova nĩsyĩĩkĩĩaa kana Ngai nĩwathĩte ala mamwĩwʼaa thayũ ũtathela. (Alomi 6:23) Tũtataa tũelesye angĩ ĩũlũ wa mũĩkĩĩo witũ nĩ kana ethĩwa nĩvatonyeka o namo mekwata moathimo ala Ngai wathanĩte. Ĩndĩ ithyĩ tũyĩĩkĩĩaa kana ũtangĩĩo ũkwatĩkanaa aĩ nũndũ nĩtwaũthũkũmĩa ĩla tũũtavanyʼa. (Alomi 1:17; 3:28) Vai mũndũ wĩka ũndũ wĩanene na ũathimo ũsu Ngai ũkanenga andũ. Mbivilia yaĩtye atĩĩ: “Ti kwondũ wa meko ma ũlũngalu, ala ithyĩ tweekie, ĩndĩ kwĩanana na tei wake nĩwatũtangĩĩe.”—Tito 3:5.