Ea Ngewa wĩ Mũthalĩku

Kĩla Vilivu Weekie

VITIO: Vilivu Nĩwatavisye Ũla Mũethiovia Mũvakũe Ũvoo Mũseo

1. Ĩloele VITIO, kana ũsome Meko ma Atũmwa 8:​30, 31. Ĩtina wa ũu, sũanĩa makũlyo aa maatĩĩe:

1. Vilivu ambĩĩisye ũneenanyʼa ũsu ata?

2. Nĩkĩ tũtonya kwasya kana ĩsu yaĩ nzĩa nzeo ya kwambĩĩsya ũneenanyʼa na kũtavya mũndũũme ũsu kaũndũ ũteesĩ?

Ngelekanyʼo ya Vilivu Yĩtũmanyĩsya Kyaũ?

2. Yĩla twaea ngewa twĩ athalĩku, nĩ ũndũ ũtonyeka ũla tũũneena nake akethĩwa auĩtye na ayĩthĩwa eyũmbanĩtye kwĩthukĩĩsya.

Atĩĩa Ngelekanyʼo ya Vilivu

3. Ĩthĩwa wĩ metho. No wĩmanyĩsye maũndũ maingĩ ĩũlũ wa mũndũ wasisya ũthyũ wake na maũndũ ala ũkwĩka. We nũkwoneka ta wĩyũmbanĩtye kũneena naku? No wambĩĩe kũneenea kaũndũ ke Mbivilianĩ kwa kũmũkũlya ĩkũlyo yĩĩ: “We waamanya kana . . . ?” Ethĩwa mũndũ ndekwenda kũea ngewa naku, ndũkamũthingʼĩĩsye.

4. Ĩthĩwa na wũmĩĩsyo. Ti lasima wambĩĩe kũmũtavya ũvoo vau kwa vau. Eteela mwanya mũseo wumĩle nĩ kenda ũmũtavye kwa nzĩa ĩla yaĩlĩte vyũ. Mavinda angĩ no weteele nginya yĩla ũkethĩwa ũiea ngewa nake ĩngĩ.

5. Alyũkana na maũndũ. Ũla ũũneena nake no ambĩĩe kũneenea maũndũ ũteĩvangĩĩe. Kwoou ĩthĩwa wĩyũmbanĩtye kũneenea ũndũ wĩ Mbivilianĩ wosanĩte na kĩla kĩũmwendeesya, o na ethĩwa wĩlasimĩka kũneenea ũndũ wĩ kĩvathũkanyʼo na ũla wĩĩ nawʼo kĩlĩkonĩ.