Twʼa Vyũ Kũtwʼĩkĩthya Andũ Amanyĩwʼa

Kĩla Yesũ Weekie

VITIO: Yesũ Nĩwamanyĩisye Nikotemo

1. Ĩloele VITIO, kana ũsome Yoana 3:​1, 2. Ĩtina wa ũu, sũanĩa makũlyo aa maatĩĩe:

1. Wĩona nĩkĩ Nikotemo waendie kũla kwĩ Yesũ ũtukũ? —Sisya Yoana 12:​42, 43.

2. Yesũ oonanisye ata kana nĩwatwʼĩte vyũ kũtwʼĩkĩthya andũ amanyĩwʼa?

Ngelekanyʼo ya Yesũ Yĩtũmanyĩsya Kyaũ?

2. Twonanasya nĩtwendete andũ kwa kwĩyumya vyũ tũmatwʼĩkĩthye amanyĩwʼa.

Atĩĩa Ngelekanyʼo ya Yesũ

3. Ĩmanyĩsye na mũmanyĩwʼa waku saa ila imwaĩle na mwĩ vala vamwaĩle. Nĩwĩthĩwa ayenda mũkemanyĩasya mũthenya mũna kana masaa mana? Nĩwĩthĩwa e mwĩanĩe mũnango mweemanyĩsya mwĩ wĩanĩ kwake, mũsyĩ, kana mwĩ kũla kwĩthĩawa andũ aingĩ? Ethĩwa nĩvatonyeka, vĩndũa mĩvango yaku yosane na masaa make na mũisomea vala ũkwĩwʼa vamwaĩlĩte.

4. Ĩmanyĩasye nake ũteũtĩĩa. Ethĩwa ndwĩ kwʼo, ndũkasye yu mũyĩĩmanyĩsya. Vandũ va ũu, vindĩĩsya ethĩwa:

1. No mwĩmanyĩsye ĩvinda yĩngĩ kyumwanĩ kĩu.

2. No mwĩmanyĩsye mũtũmĩĩte simũ kana vulongulamu ya kũneena mwenene.

3. No ũkũlye mũtavanyʼa ũngĩ akemanyĩsye nake.

5. Voya wĩthĩwe na woni ũla waĩle. Mũkũlye Yeova aũtetheesye ũendeee kwĩmanyĩsya na mũmanyĩwʼa waku, o na ethĩwa ndalũmanasya nesa na mũvango wa kwĩmanyĩsya kana ndosaa matambya na mĩtũkĩ ma kũtũmĩa kĩla weemanyĩsya. (Avi. 2:13) No kwĩthĩwa mũmanyĩwʼa waku e nguma mbingĩ nzeo, kwoou voya nĩ kana ũsyonae.