Manyĩsya kwa Nzĩa yĩ Laisi

Kĩla Yesũ Weekie

VITIO: Yesũ Nĩwoonanisye Ũndũ Ĩthe Witũ Ũtũthĩnĩkĩaa

1. Ĩloele VITIO, kana ũsome Mathayo 6:​25-27. Ĩtina wa ũu, sũanĩa makũlyo aa maatĩĩe:

1. Yesũ oonanisye ata kana Yeova nũtũthĩnĩkĩaa?

2. O na kau Yesũ nĩweesĩ maũndũ maingĩ ĩũlũ wa nyũnyi, aneeneie kaũndũ keva? Nĩkĩ ĩsu yaĩ nzĩa nzeo vyũ ya kũmanyĩsya?

Ngelekanyʼo ya Yesũ Yĩtũmanyĩsya Kyaũ?

2. Yĩla twamanyĩsya andũ kwa nzĩa yĩ laisi, makalilikanaa kĩla twamamanyĩsya na tũkakiitaa ngoo syoo.

Atĩĩa Ngelekanyʼo ya Yesũ

3. Ndũkaneene mũno. Vandũ va kũelesya kyonthe kĩla wĩsĩ ĩũlũ wa ũndũ mũna, neenea mũno mũno ũvoo ũla wĩ ĩvukunĩ yĩla mũkwĩmanyĩsya. Wakũlya mũmanyĩwʼa ĩkũlyo, eteela asũngĩe. Ethĩwa ndesĩ ũsũngĩo, kana nĩwaweta ũndũ ũtosanĩte na kĩla Mbivilia ĩmanyĩasya, tũmĩa makũlyo angĩ nĩ kana ũmũtetheesye kũelewa. Mũmanyĩwʼa amina kũelewa ũndũ ũla wa vata, endai kalungu kala kaatĩĩe.

4. Tetheesya mũmanyĩwʼa aelewe momanyĩsyo meũ ũtũmĩĩte kĩla wĩsĩ. Kwa ngelekanyʼo, mũtanemanyĩsya ĩsomo yĩla yĩneeneete ũthayũũkyo, no mũneenee kwa ũkuvĩ kĩla mũmanyĩwʼa wĩmanyĩĩtye ĩũlũ wa ũndũ kwĩthĩawa yĩla mũndũ wakwʼa.

5. Tũmĩa ngelekanyʼo nesa. Ũtanatũmĩa ngelekanyʼo, ĩkũlye-ĩ:

1. ‘Yo ngelekanyʼo ĩno yĩ laisi?’

2. ‘We mũmanyĩwʼa nũkũmĩelewa na mĩtũkĩ?’

3. ‘Nĩkũtetheesya mũmanyĩwʼa alilikane ũndũ ũla wa vata, eka o ĩ ngelekanyʼo?’