MOSŨNGĨO MA MAKŨLYO MA MBIVILIA

Wʼo nĩ ũndũ ũtonyeka kũelewa Mbivilia?

Mbivilia nĩ Ndeto ya Ngai. Nĩ ũndũ ũmwe na valũa kuma kwa ĩthe wĩ wendo. (2 Timotheo 3:16) Ngai nũeleetye Mbivilianĩ ũndũ tũtonya kwĩka nĩ kana tũmwendeesye. O na ĩngĩ, nũeleetye maũndũ ala ũkeka kwondũ witũ ĩvinda yũkĩte na nĩkĩ wĩtĩkĩlĩtye ũthũku ũendeee. Ĩndĩ, andũ aingĩ masũanĩaa kana maitonya kũelewa Mbivilia nũndũ amanyĩsya ma ndĩni maimanyĩasya kwosana na Mbivilia.—Meko ma Atũmwa 20:29, 30.

Yeova nĩwendaa tũmanye ũwʼo ĩũlũ wake. Kwondũ wa ũu, nĩwatũnengie ĩvuku tũtonya kũsoma na kũelewa.—Soma 1 Timotheo 2:3, 4.

Ũtonya kwĩka ata nĩ kana ũelewe Mbivilia?

Yeova nũtũtetheeasya tũelewe Mbivilia. Nĩwamũtũmie Yesũ nĩ kana atũtetheesye kũelewa Mbivilia. (Luka 4:16-21) Yesũ nĩwatetheeasya ala mamwĩthukĩĩasya maelewe Maandĩko.—Soma Luka 24:27, 32, 45.

Yesũ nĩwambĩĩisye kĩkundi kya Kĩklĩsto nĩ kana wĩa ũla we wambĩĩisye ũendeee. (Mathayo 28:19, 20) Ũmũnthĩ ũũ, aatĩĩi ma Yesũ ala ma wʼo nĩmatetheeasya andũ ala angĩ mamanye kĩla Mbivilia ĩmanyĩasya ĩũlũ wa Ngai. Ethĩwa nũkwenda kũelewa Mbivilia, Ngũsĩ sya Yeova nitonya kũũtetheesya.—Soma Meko ma Atũmwa 8:30, 31.