Ngai ewʼaa ata yĩla ũũthĩna?

Andũ amwe maĩkĩĩaa kana Ngai ndonaa yĩla tũũthĩna na ndatũthĩnĩkĩaa.

KWASISYA KĨLA MBIVILIA YAASYA

Ngai nĩwonaa yĩla tũũthĩna na nũtũthĩnĩkĩaa

“Yeova oona kana ũthũku wa mũndũ waĩ mũnene kũũ nthĩ . . . , na eewʼĩthwʼa woo ngoonĩ yake.”—Mwambĩlĩlyo 6:5, 6.
Ngai akamina mathĩna onthe

“Vatiele ĩvinda ĩnini, na mũthũku ndakethĩwa: Ĩĩ, ũkaketeea mũno vandũ vake, na ndakethĩwa. Ĩndĩ ala auu makatiĩwa nthĩ, na makeetanʼya mũuonĩ mwingĩ.”—Savuli 37:10, 11.
Maũndũ ala Ngai ũsũanĩaa kwondũ waku

“Nũndũ nĩnĩsĩ mosũanĩo ala nĩsũanĩaa kwondũ wenyu, easya Yeova, mosũanĩo ma mũuo, na ti ma ũthũku, kũmũnenga wĩkwatyo mũminũkĩlyo wenyu. Na mũkeengaĩla, na mũkathi kũmboya, na ngamwĩthukĩĩsya.”—Yelemia 29:11, 12.

“Mũthengeei Ngai, nake akamũthengeea inywʼĩ.”—Yakovo 4:8.

Nĩ kana wĩmanyĩsye maũndũ maingangĩ ĩũlũ wa nĩkĩ Ngai ũekete mathĩna maendeee, sisya ĩsomo ya 26 ya ĩvuku yĩĩ Tanĩa Thayũ Tene na Tene!, yĩla yumĩthĩtwʼe nĩ Ngũsĩ sya Yeova. O na no ũyĩkwate nthĩnĩ wa www.jw.org/kam