Ngai ‘Nũkũthĩnĩkĩaa’

O na ethĩwa andũ angĩ no maũtie, ve Ũla ũtesa kũũtia. We ũsu ũtesa kũũtia nũũ?

Mũsumbĩ Ndaviti aisye atĩĩ: “Nau na mwaitũ nĩmandiie, ĩndĩ Yeova akambosa.”—Savuli 27:10.

Yeova nĩ “Ĩthe wĩ tei mwingĩ, na Ngai wa ũkiakisyo wʼonthe, ũla ũtũkiakiasya matatwanĩ maitũ onthe.”—2 Akolintho 1:3, 4.

“Mũimwiĩa kwĩmakĩa kwenyu kwʼonthe, nũndũ nũmũthĩnĩkĩaa.”—1 Vetelo 5:7.

Nĩ kana ũmanye ũndũ Ngai ũkũthĩnĩkĩaa, soma ĩsomo ya 08 ĩvukunĩ Tanĩa Thayũ Tene na Tene!, yĩla yumĩthĩtwʼe nĩ Ngũsĩ sya Yeova. O na no ũyĩkwate nthĩnĩ wa www.jw.org/kam