Ũndũ Ũtonya Kwasya

Kũtũmĩa Wathanthatũ wa Mbee wa Mei Kũmantha Andũ ma Kũmanyĩwʼa Mbivilia

“We wonaa ndĩni ta itumaa andũ mendana na kwĩthĩwa na ũtanu kana itumaa mamenana na kwĩthĩwa na ũngʼendu? [Eka asũngĩe.] Eka ngwonyʼe ũndũ wa kwendeesya ĩũlũ wa ĩkũlyo yĩu.” Mwonyʼe mwene nyũmba ĩkaseti ya Mnara wa Mlinzi ya Mei 1, na ũisoma vamwe nake ũvoo ũla wĩ ĩthangũnĩ ya 16 ungu wa kyongo kĩnini kya mbee, na ũisoma ĩandĩko o ta yĩmwe katĩ wa maandĩko ala me vo. Mũkũlye kana nũkwenda kũtiĩwa makaseti, na ũivanga ũsyoke nĩ kana mũsisye ĩkũlyo yĩla yĩatĩĩe.

Mnara wa Mlinzi Mei 1

“Andũ aingĩ monaa ti ũthũku kũvulanyʼa ndĩni na siasa, namo angĩ mayona kana ndĩni na siasa iyaĩle kũvulanwʼa. We wĩona ata? [Eka asũngĩe.] Sisya wone ũndũ Yesũ weekie ĩla andũ mendie kũmũlikya siasanĩ sya ĩvinda yake. [Soma Yoana 6:15.] Ĩkaseti yĩĩ yĩelesya kĩla kyatumie Yesũ alea ũndũ ũsu na yĩonanyʼa nzĩa nzeo vyũ ĩla Aklĩsto matonya kũtetheesya andũ kĩsionĩ kwoo.”

Amkeni! Mei

“Vakuvĩ kĩla mũndũ waneena nake nĩwaasya kana ve ĩvinda weekiwe ũndũ ũteosana na sila wa katĩ. We nũkwona ta vatonyeka kwĩthĩwa na ũsili wa katĩ? [Eka asũngĩe.] Sisya wathani ũũ ĩũlũ wa mũsumbĩ ũla ũkamina ũsili ũte wa katĩ. [Soma Savuli 72:11-14.] Ĩkaseti yĩĩ yĩneena ĩũlũ wa mawatho ma Mbivilia ma ĩvinda yũkĩte yĩkethĩwa na ũsili wa katĩ.”