Ũndũ Ũtonya Kwasya

Kũmantha Andũ ma Kũmanyĩwʼa Mbivilia Wathanthatũ wa Mbee wa Mwei wa 6

“Twamũthokea kwa ũkuvĩ tũineenea ĩkũlyo yĩĩ. [Mwonyʼe ĩkũlyo ya mbee yĩla yĩ ĩthangũnĩ ya ĩtina ya ĩkaseti ya Mũsyaĩĩsya ya 01/06/2014.] Ũtonya kũsũngĩa ĩkũlyo yĩĩ ata?” Eteela asũngĩe. Neeneai ũvoo ũla wĩ ungu wa ĩkũlyo ya mbee na mũisoma ĩandĩko o na ethĩwa no yĩmwe. Mũnenge makaseti na mũivanga mũke kũneenea ĩkũlyo yĩla yĩatĩĩe.

MŨSYAĨĨSYA 01/06/2014

“Andũ ta 6,000,000 nĩmakusaa kĩla mwaka nũndũ wa kũnywʼa sikala. We wĩona ve ũndũ andũ matonya kũtetheewʼa makaeka kũnywʼa sikala? [Eteela asũngĩe.] Mbivilia nĩtetheesye andũ aingĩ makaeka kũnywʼa sikala kana makevathana vyũ na ũndũ ũsu. Kwa ngelekanyʼo, ĩandĩko yĩĩ nĩyĩtumĩte andũ aingĩ masũanĩa ũndũ kũnywʼa sikala kũtonya kũũmĩsya andũ angĩ. [Soma 1 Akolintho 10:24.] Ĩkaseti yĩĩ nĩyĩeleetye ũndũ kũmanya woni wa Ngai ĩũlũ wa kũnywʼa sikala kũtonya kũtuma mũndũ aekana na kĩmanyĩo kĩu.”

Amkeni! Mwei wa 6

“Isese imwe sya Indaneti nitumĩte andũ methĩwa na andũ aingĩ ala mavangaa nĩ anyanyae moo. We ũtonya kwasya mũnyanya wa wʼo aĩlĩte kwĩthĩwa ailyĩ ata? [Eteela asũngĩe.] Ĩandĩko yĩĩ nĩyonanĩtye ũndũ mũnyanya wa wʼo waĩlĩte kwĩthĩwa ailyĩ. [Soma Yakovo 1:19.] Ĩkaseti yĩĩ nĩyonanĩtye maũndũ ana ala matonya kũtũtetheesya kwĩthĩwa anyanya aseo.”