Ũndũ Ũtonya Kwasya

Kũtũmĩa Wathanthatũ wa Mbee wa Aũkasiti Kũmantha Andũ ma Kũmanyĩwʼa Mbivilia

“Ũmũnthĩ andũ mamwonaa Yesũ o ta ũndũ wailyĩ myaka ngili ilĩ mĩvĩtu, ta kana ke mũvalatĩnĩ kana ta mũndũ ũsũĩte mũtĩnĩ. O na vamwe na ũu, we wĩsilya Yesũ ta e kwĩka ata yu? [Eteela asũngĩe.] Kwoona ũndũ ĩkaseti yĩĩ yĩkwasya.” Mwonyʼe mwene nyũmba ĩkaseti ya Aũkasiti 1 ya Mnara wa Mlinzi, na ũisoma vamwe nake ũvoo ũla wĩ nthĩnĩ wa kyongo kĩnini kya mbee ĩthangũnĩ ya 16 na vatonyeka mũisoma ĩandĩko yĩmwe. Mũkũlye kana nũkwenda kũtiĩwa makaseti melĩ, na ũivanga ũsyoke mũsisye ĩkũlyo yĩla yĩatĩĩe.

Mnara wa Mlinzi Aũkasiti 1

“Andũ aingĩ nĩmethĩawa na mũĩkĩĩo nthĩnĩ wa syama. Angĩ methĩawa na nzika kana makana. We wĩsilasya ata, kwa wʼo syama nĩsyĩkĩkaa? [Eteela asũngĩe.] Wathani ũũ ĩũlũ wa kyama kya ĩvinda yũkĩte ũtumĩte andũ aingĩ methĩwa na wĩkwatyo. [Soma ĩandĩko yĩmwe katĩ wa ala me nthĩnĩ wa ĩthangũ ya 9-10.] Ĩkaseti yĩĩ nĩsũngĩĩte maũndũ atatũ ala andũ matetĩkĩlanaa namo ĩũlũ wa syama.”

Amkeni! Aũkasiti

“Matukũ aa, andũ aingĩ nĩmakĩaa kumaalũka me moka mũno mũno kwatuka. Nũkwĩsilya ta ve ũndũ ũtonya kwĩkwa ũkaolanga ũngʼendu ũla wĩkwʼo? [Eteela asũngĩe.] Ĩkaseti yĩĩ nĩyĩeleetye maũndũ mana ala ithyonthe tũtonya kwĩka nĩ kana twĩthĩwe twĩ na mũuo mwingangĩ na ala angĩ. Ĩngĩ nĩyĩeleetye ũndũ wathani ũũ ũtwĩkĩaa vinya ũkeanĩwʼa.” Soma Savuli 72:7.